fólk að hittast

Kom fyrir spjalli á síðunni svo núna getur fólk skipulagt stefnumót gegnum heimasíðuna sem mer mjög gott.

Kallinn ekki þar sem hann er séður?

Fólk hefur komið að mér og sagt við mig: "Hey, myndin af þér og Clinton er bara plat!" Sem mér finnst skrýtið, eða kannski ekki, kannski er fólk bara að neita að horfast í augu við sannleikann, sem er (þó ekki í undantekningartilvikum) að það hefur ekki tekið í spaðann á Clinton hjónunum, þrátt fyrir að lífvörðurinn hans hafi ekki beint horft á mig með jákvæðum augum, kannski sá hann í mér keppinaut við vinnuveitanda sinn sem mesta .......... landsins?

Ég spyr því, alvöru eða photoshop?

gimme all your lovin

ZZ top ákváðu að blasta geimið til að fagna próflokum með mér ásamt trausta gamla sem öskraði í takt með ónýtum hljóðkútnum svo það glumdi í frostaskjólinu.

En jújú, próflok komin, auðvitað gleymdi ég að taka padlockinn með mér í heimsklassann (fjósið) í laugardalnum þannig að ferð til harðsperra reyndist bara vera sturtuferð með tilheyrandi leiðindaumferð klukkan að verða 5, sem er vesen.

Eiður Smári orðaður við Newcastle, ekki í fyrsta skipti, tek því með hægðalosandi og bjórnum sem ég nennti ekki að kaupa í Smáralind vitandi að limurinn er fullur af vitleysingum sem tilbiðja mammon og mig langaði ekkert rosalega til að vera mammontilbiðjandivitleysingur á þessu augnabliki, þrátt fyrir að það hafi kostað mig bjórleysi. Spurning um að halda upp á það að vera búinn í prófum með uppbyggjandi hætti, fyrst það var tekið það af mér að halda upp á próflok með því að skella velferðarríkinu á mánudaginn 15 maí, þar með missti ég af því að geta pælt í því með bakkus hvort ég ætti ekki að fara aftur í stjórn, því starf mitt var metið svo gríðarlega að verðleikum á liðnum vetri og er ég afar þakklátur fyrir þær viðtökur sem samnemendur sýndu mér og fyrst ég þarf að fagna próflokum á það uppbyggilegan hátt að ég fer að vinna í fyrramálið fæ ég ekki einu sinni einmanafyllirí heima, verð ég að segja þátttöku minni í stjórnmálum formlega lokið

Hot stud

Kallinn bara foli, en þú? skoðaðu www.yoursexappeal.com/test.php?test=733245

Loka töttsið

Kláraði prófið í nútímakenningunum og ekkert meira um það að segja, nema það kom mér á óvart hvað ég kunni mikið í feminisma og þróun hans, er kallinn að breytast í grasgrænan grænjaxl? Því hefur allavega verið haldið fram að ég sé frekar vinstri sinnaður heldur en hægri sinnaður. Ég held sjálfur persónulega að vinstri hliðin sé ætluð akstri, enda rétthentur og eins og sjá má á síðustu færslu, bara adorable, og þegar ég kem heim frá tenerife verð ég hreinlega að sparka chicksin frá mér, ekki það að ég sé eitthvað sjálfmiðaður. Annars held ég og vona að velferðarríkið verði tekið með stæl svo ég þurfi nú ekki að sitja í því með óla á næsta ári;)

Kallinn sætur

Gróf upp myndina af kallinum. Ég verð samt að viðurkenna að ég man nákvæmlega ekki neitt eftir því þegar þessi mynd var tekinn, samt tel ég mig vera með þokkalega gott minni, ég meina mér tókst að leggja á minnið tilgang aðhvarfs og þáttagreiningar, þrátt fyrir dumbening í aðferðafræði III.
Ég verð samt að segja að kallinn hafi verið heljarinnar ladykiller fyrir rúmlega 16 árum þrátt fyrir að standa í tannaskiptum á þessum tíma

Duglegur skólastrákur

Fór að velta því fyrir mér í próflestrinum, hve mikill munur er á að læra á framhaldsskólastigi og háskólastigi. Sérstaklega finnst mér mikill munur á fyrsta ári í háskólanum og fyrsta ári í framhaldsskólanum, en á busaárinu mínu í fva árið 1998 skyldi maður gjöra svo vel að láta engann fatta að maður lærði fyrir tíma ellegar sæta refsingum, sem er náttla ekkert nema selflutningur á viðhorfi til skólans frá grunnskóla, enda skyldi ekki undra þar sem 98% 10 bekkinga árið 98 fóru í framhaldsskólanám. Ég hef ekki tölu á hve margir hættu strax á fyrstu önn.

Þetta held ég að sé dæmi sem styður kenningu Bordieu þegar hann segir að átök milli þjóðfélaghópa einkennist í því að ríkjandi habitus fær áskorun/challenge og ef habitusnum tekst ekki að brjóta áskorandann niður er hætt við að áskorandinn taki sér stöðu sem ríkjandi habitus. Þið sem skiljið ekki hvað ég á við, horfiði á Lion King, átökin milli Skara og feðgana ætti að vera skólabókardæmi um þessi átök.

Á fyrsta ári í háskólanum virðast allir keppast við að læra sem mest, ég hef heyrt í kaffistofunni í Odda; ,,Ertu bara búin með 300 blaðsíður, dísús ég kláraði 500 blaðsíður um helgina samt djammaði ég feitt".

Reyndar fylgdi ekki skilgreining á því að djamma feitt með þessari fullyrðingu, en miðað við þessi tvö dæmi má má ætla að háskólamönnum hafi tekist að koma því í kollinn á nemendum að þeir bera sjálfir ábyrgð á heimalærdómi sínum, enda þarf háskólafólk að taka rándýr lán eða leggja ómælt álag á sig við að halda uppi heimili, ef það er svo "óheppið" að vera landsbyggðarpakk og þarf að halda sér á floti í borg syndanna og er það talið til þess fórnarkostnaðar að vera í háskólanámi og réttlæta háskólamenn þannig himinháar launakröfur sínar, sem er mjög gott því ég ætti vonandi að geta fengið eitthvað í minn snúð vegna þessa.

Stigið úr myrkrinu og inn í sumarið

Er að fara í próf í aðferðafræði III. Verð að játa að ég hef sjaldan verið jafn svartsýnn á nokkuð próf ever. Hins vegar til að taka Pollýönu er það bara svo að ég get með 99% áreiðanleika sagt að þau próf sem ég hef farið í með sem mestu svartsýniskasti hafi mér gengið best í og er mér þannig stært á að hafna H0 með T gildi upp á 8.8.

Ég hef hins vegar aldrei séð jafn mikla geðshræringu meðal samnemenda minna þegar farið var yfir prófskipulag þar sem fólk fór að grenja eftir pelanum sínum, ég sá ekki einu sinni þetta væl fyrir samræmduprófin alræmdu (reyndar hótaði Maggi Ben því að hann myndi lemja fólk og gefur það tilefni til kerfisbundinnar skekkju í þeirri ályktun).
Síðan þegar prófum lýkur þá ætti maður að vera kominn formlega út úr þessari blessuðu stjórn en það má segja að glöggt skiptast á skyn og skúrir í þessum efnum og lýkur þar með stjórnmálalegum afskiptum mínum (á yfirborðinu).

Ég sá í Eflingarblaðinu sem kom í póstkassann minn inn í sameign um daginn að sett hefði verið saman landslið í uppvaski og af mynd af þessu landsliði má sjá að Íslendingar eru í meirihluta liðsmanna sem verður að teljast gefa slakt yfirborðsréttmæti ásamt slæmu hugtaka og viðmiðsréttmæti þar sem stereótýpan af atvinnuuppvaskara á Íslandi eru af erlendu bergi brotinn. Hins vegar gæti skýringin legið í því að af þessum fimm keppendum eru 4 konur og er karlmaðurinn af erlendu bergi brotinn, enda vita "allir" að konur eru bestar í uppvaskinu(sjitt ef einhver les þetta verð ég dreginn útúr KR húsinu og rasskeltur á Ingólfstorgi og ekki fyrir það að hafa látið sjá mig í ÍA búning í Mekka KR-inga heldur fyrir karlrembu og viðbjóð sem fræðimenn skilgreina sem hegðun sem á ekki að eiga sér stað í þessu tiltekna samfélagi. Hins vegar ef ég myndi skrá mig inn í The Stonecutters club (seinna nefndur No Homer's Club) væri leiðin greið enda með fæðingarblett sem vekur dáð og undrun.

Talandi um fæðingarbletti, þá sé ég einu sinni á leið í sund í Hveravatnslaug að kall í sturtunni á móti mér var með kúkabrúnan blett sem lá út úr skorunni. Sem betur fer tókst mér að halda kúlinu og þegar út í pott var komið tjáði faðir minn mér að þetta væri fæðingarblettur. Greyið að hafa fæðst á svona vitlausum tíma og á vitlausum stað (víst fæddur í kringum 1960 og í afdölum sveitanna í þokkabót) sem hefur leitt til þess að hann hafi ekki getað látið lækna gangproba sig og leisarað fæðingarblettinn af rassinum. Og mér fannst ég eiga erfitt vegna aðferðafræðinnar!